Page 30 - MIN VOS

Sv Britannia Bright Bakery cu otro victoria importante ariba
Dep. Nacional 3-2

Tuesday, 14 February 2017 09:30
Comparti

Den un wega ariba un nivel haltisimo diasabra ultimo den stadion Guillermo P. Trinidad a tuma lugar e
wega entre e number uno di campeonato esta Sv Britannia Bright Bakery contra Dep. Nacional Coca Cola
number dos. Sv Britannia Bright Bakery a cuminsa cu e siquiente aliñacion; Lionel Kaarsbaan, Aljee
Feleciana, Rodymar Paeash, Derwin Donato, Sylvester Schwengle, luis "Coco" Estrada, Renier Paraez,
Johnatan Ruiz, Alex Hassel, Bruno Conceiçao y Richard van der Hoest.

Como suplente tabata tin; Ericson Croes, Keano Maduro, Mairon Gutierrez, Theric Ruiz, Luis Carlos
Croes, Kendrick Dania, Jeanpierre Fingal y Miguel Gutierrez. E prome goal ta cai despues di un bunita
combinacion cu ta sali for di e keeper Lionel pa Rudy pa Power pa Coco pa Bruno pa Renier bek pa Bruno
y bek pa Renier y unda Renier ta lastra e bala banda di e keeper di Nacional pa manda su team Britannia
ariba 1-0 na di 8 minut di wega. Cu e score di 1-0 pa Sv Britannia Bright Bakery halftime ta bai aden. Den
di dos tempo Nacional ta sali preta e wega y ta Power cu ta perde e bala memei di tereno y e delantero di
Nacional ta hanja e bala y cu lomba pa goal y ta wordo foulia pa Aljee y refree corectamente ta pita
pinalty pa Nacional. Akinan e hungador number 10 Devis ta empata e wega na un goal pa banda. Pero no
a dura mucho cu Sv Britannia Bright Bakery ta reaciona pa bolbe bai ariba 2-1 ora cu Bruno Conceiçao ta
fusila e portero di Nacional. Asina e wega ta sigi desarolla y ta na di 57 min cu Killa ta bai laga ariba
banda robes y ta duna un paso perfecto pa Ranger cu ta score e goal di empate 2-2.For di e momento ey
tur hende tabata sa cu e team cu score un biaha mas casi sigur lo bai cas cu e 3 puntonan den wega.
Tabata na di 82 minut cu Coco ta ricibi un paso perfecto di Renier despues di un combinacion cu
Sylvester Schwengle y Luis "Coco" Estrada ta subi na banda drechi di tereno y ta fusila e keeper di
Nacional pa hasi e wega 3-2 cu cual score e wega ta caba tambe y asina Sv Britannia Bright Bakery ta
mantene su mes na prome lugar cu 22 punto den 9 wega hunga. Un pabien grandi ta bai pa e
hungadornan di tur dos team y staff technico. Na opinion di varios conosedo di futbol, e hombernan
grandi pa Sv Britannia Western Union sigur tabata Renier Paraez y Sylvester Schwengle. E proximo wega
di Sv Britannia lo ta diahueps awor 16 february contra di Sv Dakota. E wega lo tuma lugar den compleho
Deportivo Guillermo P. Trinidad na Dakota.