Page 20 - AVP

E mandatario a sigui bisa cu na December 2018 Raad van Advies a brinda su conseho
riba e implementacion di e convenio aki, y a bin cu un conseho negativo den cual e ta
pidi atencion di gobierno pa algun punto di dicho convenio.

E punto aki ta crea un precedente unda a pidi gobierno pa repasa e decision aki.
Gobierno e ora ey, a manda pidi conseho na Departamento di Recurso Humano y nan a
duna como 30 conseho desde e periodo di 2016 bay dilanti. E dignatario a subraya cu
ta asina cu na momento cu a firma e convenio DRH no tabata envolvi. Kiermen cu

Minister Bermudez y SADA, na ultimo a deal tur loke mester a deal, pa cera e convenio,
sin a envolve DRH.

Y aworaki cu DRH a duna su consehonan a indica cu tin algun punto den e convenio cu

ta trece problema cune, pasobra e ta yega na un situacion unda cu inspector di Douane
ta gana mas cu e propio director, locual no por y tambe personanan cu mesun estudio
si nan drenta traha na Douane nan ta bay gana mas placa cu si nan bay traha na otro
departamento. Y tin otro punto unda pa esnan cu ta bay cu pension, a haci cierto

cambionan cu ta trece un precedente pa otro ambtenaarnan ora cu nan bay cu pension.

Minister Ruiz-Maduro a splica cu mirando e documento aki y e consehonan di Raad van
Advies a cuminza un proceso unda a pidi Departamento Huridico pa wak kico den e

acuerdo aki ta bay ta e precedencia, pa wak si enberdad otro ambtenaarnan por bay
haci un apelacion riba e beneficio cu Cuerpo di Douane ta bay haya si implementa e
convenio aki, integralmente.

Dia 22 di Augustus a bin cu un conseho den cual Departamento Legislativo ta indica cu
e ta bay forma un peligro pa loke ta e parti di procedencia aki. Ora gobierno a puntra
cuanto implementa e convenio lo costa a sali un suma di 50 pa miyon si otro
ambtenaarnan tambe pidi pa e beneficionan aki.

https://www.diario.aw/2019/09/convenio-firma-pa-ex-minister-y-sada-por-crea-un-precedente-di-50-
pa-60-miyon-pa-gobierno/