Page 16 - ATA JAN 19

Den e mesun cuadro aki e lider politico di POR ta indica en efecto di e maneho
hiba unda cu e negociacionnan di CAO tabata tuma luga na y un manera hopi
suave compara cu antes. Beneficionan na e trahadonan tabata wordo otorga

bastante lihe durante di e ultimo 6 pa 7 añanan aki. Pero cu e cantidad di
cambernan aki cu supuestamente lo bin adicional, por ta sigur cu e ta pone

presion enorme riba enseñansa, bida social y vivienda entre otro. Ta lamenta
profundamente cu esaki a tuma luga y ta tumando luga. Ta papia di riba 4000

camber, cual no ta Minister di Turismo a duna e ‘toezegging’ aki.

Otmar Oduber ta considera cu e desaroyo politico di nos isla no mester bay den
e direccion aki, no por sigui crece den cantidad di camber na un manera
descabeya. A boga pa no sigui duna toezegging, a pidi pa consulta cu Ministerio

di Turismo prome cu otorga tereno pa construccion di
hotel/condominio/apartamento, pero lamentablemente esaki no a tuma lugar.

“Mi no por a sigui sostene un maneho cu ta bay contra bienestar di nos isla.
Hopi biaha mi mes a bisa cu nos mester controla e crecemento den cantidad di

cambernan na e parti pabou di nos isla. Si nos kier mantene un nivel halto den
calidad di nos turismo, nos NO por sigui crece na un forma descontrola.

Esaki ta e posicion cu a bin dilanti tambe den e rapport 2025 y igualmente na
2010 a bin un mocion den Parlamento pa no sigui otorga tanto tereno pa

construccion di cambernan. Mi ta spera cu ainda tin tempo pa decisionnan
wordo reconsidera pa evita cu nos pais cay den un abismo di cual lo ta dificil pa

sali”.