Page 42 - MIN ARENDS DEC 23

Minister Paul Croes: Mas fondo pa bringa abuso di mucha pa
Sostenemi

Thursday, 22 December 2016 23:03
Comparti

“Nos a aumenta presupuesto pa Bureau Sostenemi pa sigui lucha contra abuso di mucha,” asina Minister Paul Croes
a duna di conoce. Presupuesto di Bureau Sostenemi ta fungi como e punto central di registro di abuso di mucha lo
haya hopi mas fondo pa sigui bringa y lucha contra abuso di mucha.

Minister Paul Croes di Asuntonan Social y Hubentud cu ta encarga pa e parti prevencion di abuso di mucha a mustra
cu e aumento aki ta pa ekipa e departamento aki cu mas profesional pa sigui lucha contra abuso.
Banda di a fortifica Imelda hof cu mas personal y fondo, otro instancianan den e cadena di cuido y prevencion tambe
ta ricibi apoyo. Bureau Sostenemi tabata conta cu un presupuesto di Awg 313.400.= na 2015 y 2016. Pa 2017 esaki a
wordo aumenta te cu 530.000.= cu ta representa un aumento di 70%.
"Esaki ta mi meta, y mi lo sigui e lucha aki cueste loke cueste. Nos mester para abuso di mucha. Nos comunidad ta
pidi esaki, y nos ta cumpli cu esaki", asina Minister Paul Croes a mustra