Page 47 - MIN ARENDS DEC 23

gradici y desea un y tur

un felis Pasco y

prospero anja nobo 2017

Published on December 22, 2016 in Local
ORANJESTAD, Aruba

Presidente di Parlamento Mervin Wyatt-Ras den un conferencia di prensa a gradici tur
esnan cu a haci possible pa e trabounan den Parlamento por a sigui, manera Griffier y
Personal di Parlamento, miembronan di Parlamento, tur instancianan y gobierno y
prensa pa e cooperacion ricibi durante e temporada cu a pasa.

Wyatt-Ras ta trese padilanti cu durante e ultimo dianan a trata diferente ley pa haci e
trabou di Parlamento uno efectivo, esta e.o. presupuesto di 2017, jaarrekening 2015 y
presupuesto supletorio 2016. Asina nos por cumpli cu ley di comptabilidad y cu nos
constitucion. Wyatt-Ras ta senjala cu pa otro anja nos tin dos ley cu lo inicia e anja cu
nan tratamento ta e ley di Functiehuis y esun di crèche. Alavez dia 5 lo tin e promer
discurso di gobernador di Aruba den Parlamento y entre 10 -13 di januari lo tin
reunionnan di Interparlementair Overleg Koninkrijksrelaties y Tripartiet na Cursou. Pues
anja a sera cu hopi reunion y anja lo habri cu hopi reunion. Wyatt-Ras ta trese padilanti
cu kizas su energia halto ta cansa kizas parlamentarionan sinembargo mirando atras e
por ta contento tog cu a logra pasa tur e leynan importante. Ademas di esaki e anja
venidero lo ta un anja di eleccion unda cu lo mester trata diferente ley promer cu
campanja cuminsa. Pa e paisnan den Reino por bisa nan tambe e situacion ta igual.
Recien tabatin eleccion y cambio di gobierno na Corsou y St. Maarten y djies Hulanda y
despues Aruba. Wyatt-Ras ta contento si cu e cooperacion te awor ricibi.