Page 3 - MIN ECEM

Alvin Koolman director di RdA: Parlamento a haci pregunta
al caso di tur aspecto riba refineria

Tuesday, 30 May 2017 08:16
Comparti

Alvin Koolman cu ta director di Refineria di Aruba, durante entrevista a splica cu e miembronan di
Parlamento a haci hopi pregunta y un di nan ta si nan ta percura pa trahadonan local haya luga den e
refineria.

Tabata tin preguntanan al caso di tur aspecto y cada un di nan a haci nan. A keda hopi satisfecho cu e
preguntanan y a contesta a base di loke e sa y a haci un bon papel y nan por bisa cu nan a keda na nan
satisfaccion. Mas hende na trabao Segun Koolman, poco poco tin mas hende ta cuminsa traha den e
refineria. Na Februari ultimo e prome 100nan a cuminsa traha. Awe a calcula, basa riba siman pasa, tin
casi 280 trahado local den e refineria. Tin mas di 400, si inclui tur contratista, empleadonan di Citgo y
nos hendenan local cu ta traha directamente. Den e proximo lunanan ta wak cu e ta subi cu 25 pa 50.
Pero ora cu e trabao di field cuminsa na Juli, e ora ta haya e boom mes cu lo cuminsa. Con leu e proceso
ta Diahuebs ultimo tabata tin un softopening. A haci e teritorio limpi. Citgo y su contratista a traha un
mancamp. Nan ta haciendo e cosnan corecto, pa asina por cuminsa na Juli. Esey ta vigilando masha di
cerca wak si nan ta tene nan mes na e timeline cu nan a pone na Februari ultimo. Cobramento Koolman a
splica cu e situacion financiero cu e hendenan no a wordo paga, e no ta na altura di dje.

E sa cu tin cierto atrasonan, door di un sistema di administracion. E detayenan e lo bay check di cerca e
contratistanan pa wak si nan tin pago atrasa cu no a tuma luga. Pero e no ta na altura cu tin trahado cu
no a wordo paga pa varios luna. Esey tambe a bin dilanti, pero ta vigila tur eseynan di cerca. Ta trata aki
di un situacion administrativo. Citgo a haya un bridgelong di 200 miyon pa traha tur e trabaonan
andando, no solamente pa e liña di gas, pero tambe pa e proyecto di Aruba. Esey ta haci cu nan tin e
placa pa paga e trahadonan. Pero e sistema di administracion a haci cu a bin retraso.