Page 5 - MIN ECEM

ORANJESTAD(AAN): Gobierno tin un plan pa Aruparking, y special pa tur auto di huur,

esta V-auto, y pa nan lo bin cu un areglo distinto.

Nan ta ocupa cu un estudio caminda cu por cobra tur compania di Vcar un suma,
manera 1 Dollar pa dia. E ora un Vcar por paga semper den e vaknan blanco y nan ta

paga delanta caba, e ora nan no ta haya boet na momento di para. E ta mucho mas
facil pa turistanan cu ta bishita Aruba sa cu na momento cu nan huur un auto pa cinco
dia nan ta paga 5 Dollar, e ora nan ta cubri tur e dianan pa parkeer den e vaknan
blanco.

Esey ta un areglo mas simpatico pa e turistanan cu cada bes, ora cu nan no tabata sa
cu tabata tin e tipo di e obligacionnan aki cu nan ta haya nan confronta cu e
situacionnan fastioso. Por a mira cu no tabata na fabor di e turismo di Aruba, na

momento cu un cantidad hopi grandi di turista tabata hopi rabia ora cu nan a haya klem
y pa Gobierno naturalmente e importante pa e turistanan di Aruba cu ta bishita Aruba
semper sali contento for di Aruba cu un experiencia positivo, y e klemnan pa e
turistanan no tabata un experiencia positivo pa Aruba. E hecho cu esey no ta tumando

luga awo, tambe ta algo positivo pa Aruba.

Intencion pa amplia e proyecto:

A puntra minister Oduber e tempo ey pa wanta cu e parti di expansion di e proyecto pa
area di hotel, pasobra kier a haya algo bon regla pa e empleadonan di hotel pa no bay
pone mas hende den gasto atrobe na momento cu bin cu pagamento banda di hotel. Si
bay introduci pa e Vcarnan por paga delanta caba, e ora ey ta regla un parti importante

caba di contribucion di e turistanan pa locual ta parkeo y asina Aruparking lo haya su
cen, sin cu e ta depende di meternan pabao na hotel. Tin opcion cu posiblemente e no
ta necesario pa pone nan, pero pone si cu turistanan y Vcar ta paga nan contribucion
na Aruparking pa nan parkeo, no via di e parkeermeter, pero via di nan contribucion cu

nan lo haci na momento cu nan cera un contract pa huur un auto na Aruba.