Page 33 - MIN ARENDS

WEB ta cla pa haci su parti pa cumpli cu meta di energia
renovabel pa 2020

Monday, 29 May 2017 20:31
Comparti

Esaki ta loke e director Luis Oduber a duna di conoce na momento di formaliza e acuerdo cu Refineria di
Aruba (RdA) dilanti Notario pa uzo di un tereno di nan na Lago Heights pa construcion di Sunrise Solar
Park.
Diaranson awo tin ceremonia di groundbreaking na e sitio di construccion di e prome Parke Solar di
WEB Aruba NV. Esaki ta e prome parke di WEB y cu ta haci cu lo bay spaar otro cantidad di divisas cu ta
no bay pa exterior.
Luis Oduber a bisa cu awo cu WEB a haya e tereno aki for di RdA, nan por sigui cu nan vision pa cada dia
traha pa yega na un proceso mas limpi y berde den produccion di coriente. Construyendo e parke na
Lago Heights, WEB ta dal un paso grandi pasobra agrega un produccion di casi 6 MW na loke Aruba tin
disponibel. Esaki lo ta e prome parke pariba di brug, loke ta e motibo tambe cu el a haya e nomber di
Sunrise Solar Park.
E trabou cu mester a haci tabata hopi pa cual e director tabatin masha palabra di gradicimento na su
empleadonan cu a yuda nan yega na e meta. Pero esaki no ta e ultimo, pasobra ta bay bini cu mas
facilidad pa yega na cumpli cu nan vision di sostenibel energetico pa 2020.
Minister ing. Mike de Meza di su banda a gradici tur partner colaborando pa Aruba yega su meta. Sin
organisacionnan manera TNO, Carbon War Room y Rocky Mountain Foundation, y organisacionnan
local manera Web, Elmar y SETAR, no ta logra e meta. Tur loke ta wordo haci awe na Aruba, e
mandatario a bisa, hopi di hobennan lo saca e beneficionan cu energia alternativo ta trece cu ne. Tur
esaki Aruba ta logra den menos di 8 aña, ya cu e prome stapnan a wordo tuma na 2012. “No solamente ta
importante pa bo yega na ta 100% sostenibel, pero cu bo por garantisa tambe e suministro di calidad y
esey nos ta trahando riba dje tambe.”