Page 28 - MIN ARENDS

Richard Frank di WEB: Parke di molina na Vader Piet ta
cumpli cu loke ta spera di dje

Monday, 29 May 2017 20:47
Comparti

Si nos papia riba e parke di Molina na Vader Piet, a puntra Richard Frank, Sector Manager di WEB Aruba NV, si nan ta
satisfecho cu e parke aki ta deliver na WEB, si e ta cumpliendo loke ta spera di dje, di cual el a contesta cu si.

Vader Piet mas abao di un aña cu el a produci ta 14% di e total demanda di Aruba. 14% di esey a bin di Vader Piet y e aña di
mas halto cu a haya ta 18. Y tanto porciento di e total di e demanda di Aruba a wordo produci pa e molinanan di biento.
Pakico nan ta traha

Frank a splica cu ta depende di e biento. Por spera obviamente cu tur instalacion pa por mitiga e compra di fuel oil, ta spera cu
biento ta keda supla hopi y por probecha di e molinana pa produci coriente. Pero e ta den man di naturalesa, si no tin biento,
no tin nada.

Paga pa loke nan ta deliver

Richard Frank Sector Manager di WEB Aruba NV ta splica cu nan ta paga pa loke ta deliber y pa un prijs di contract cu nan tin
cu nan.

Preferencia
Frank a splica cu nan filosofia ta cu tanten cu e operacion por keda confiabel, ta duna preferencia na energia renobabel. Vader
Piet ta un, solo etc. Tanten cu e combinacion ta keda uno confiabel. Si ta wak cu tin riesgo of aspectonan camind cu e mescla
di coriente cu ta traha riba fuel ta bira menos confiabel, tin cu ahusta pa mantene e confiabilidad di produccion.

Kico e molinanan ta duna
Averahe loke a wordo spera di e molinanan di biento na Vader Piet, ta wordo delivered.

Tipicamente e lunanan di september, october, lunanan calor, ta caminda cu tin menos biento y eynan e delivery, ta wordo
calcula den full e proyecto, tempo cu a pone aden. E ora e ekiponan mester ta op en top pa por pusha mas.

Panelnan solar ta yuda

E panelnan solar ta yuda pa baha e cantidad di fuel oil. Cada kilowatt uur cu wordo produci pa molina of panel di solo, ta un
kilowatt uur cu ta wordo uza menos di fuel, cu ta wordo uza den Web, ora cu tin solo y e panelnan ta yuda pa produci coriente
y anochi vooral, cu e biento ta duro den oranan di marduga, tin mas biento tipicamente, e ta yuda, segun Frank.