Page 23 - MIN ARENDS

Luis Oduber: WEB ta hopi orguyoso di nan prome Parke
Solar

Monday, 29 May 2017 20:26
Comparti

Prome Minister mr. Mike Eman y Minister encarga ing. Mike de Meza tabata presente na Tierra del Sol na
momento cu WEB Aruba NV a firma un acuerdo cu e compania ISOTRON di Spaña pa construccion di nan prome
Parke Solar na Aruba.

Prome cu e firmamento a wordo splica cu ta trata di un proyecto cu a exigi un inversion di 9 miyon florin, y cual
Parke Solar lo wordo construi den 8 luna di tempo riba un tereno di 92.000 m .
2
Gabinete Mike Eman II ta hopi contento cu e desaroyo aki. “E ta un proyecto grandi y bunita na Lago Heights. Mi
kier a gradici Refineria di Aruba pa nan cooperacion,” Minister de Meza a bisa despues cu WEB a firma cu
ISOTRON. Y a agrega cu e esfuersonan di Aruba riba e tereno aki a pone cu e pais a gana un “Premio di Oro” cu a
wordo entrega dialuna, 29 di mei na New York.
No ta prome proyecto di WEB Aruba NV riba e tereno aki, si mira cu den pasado nan a completa Parke Solar
Aeropuerto, Reina Beatrix, Scol Basico Kudawecha, Abraham de Veer School y MFA Noord.
Luis Oduber, director di WEB a bisa den un comentario, cu a firma dos contracto di cual uno ta di un parke solar
cu lo yuda pa Aruba yega mas cerca di ta 100% sostenibel den produccion di coriente. Pa logra e proyecto di Parke
Solar, el a bisa, a cana un trayecto toch largo mirando e recursonan limita di pais Aruba, esta pa loke ta tereno.
“Nos ta hopi orguyoso pasobra esaki ta bira nos propio parke contrario na esun di Parke di Molina y esun di
aeropuerto cu nos ta cumpra kilowatt uur. E parke aki ta bay ta 100% di WEB y Aruba, unda cu ta spaar hopi placa
y e divisas ta keda Aruba.”
E Parke aki ta bay exigi hopi automatisacion den e sistema di WEB pa garantisa un bon suministro di coriente na
su clientenan.

Desde october di aña pasa WEB Aruba a cuminsa pa busca informacion di diferente compania internacional y
local, cu lo por ehecuta e proyecto di parke solar aki conhuntamente cu WEB. Un total di 64 compania a mustra
interes y a haci un oferta. Despues a sigui e proceso di screening di tur e companianan. A base di esaki a
selecciona 10 empresa cu a participa den e siguiente proceso y e ganado a resulta ISOTRON