Page 22 - MIN ARENDS

Danki na tur hende cu a celebra mi hacimento di aña cu mi

Monday, 29 May 2017 18:40
Comparti

Minister di Husticia, mr. drs. Arthur Dowers tabata masha contento diabierna anochi di a haci un
invitacion na bario completo di Dakota pa por a celebra su cumpleaños. Hopi a responde pa yega eynan y
el a mira hopi di esunnan cu e no a logra bishita ainda na cas. Cu e sostenedonan a presenta na su
celebracion, a duna Minister Dowers un sentimento positivo.

"Dakota ta un bario cu ta sostene partido di AVP grandemente. Y ora di pasa den bario y topa e hendenan
ki a pasa, pero poco poco nan ta yegando", Minister Dowers a expresa. El a gradici tur esunnan cu a haci
e fiesta posibel, pasobra e ta traha cu hopi boluntario durante e campaña y nan a yuda pa organisa e
evento di hacimento di aña di Minister Dowers. "Bo tin cu bay traha duro, bay reconfirma bo
compromiso cu comunidad. Nos ta haya cu esaki ta bon momento tambe pa nos celebra hunto cu nos
comunidad", Minister Dowers a expresa. Normalmente e ta celebra su cumpleaños cu su hendenan den
su cura di cas, pero como cu nan ta ocupa tur dia riba caya nan a dicidi celebra esaki cu tur nan
votadonan. "Nos ta sumamente contento di ta aki awe nochi", asina Minister Dowers a expresa.