Page 25 - AWEMAINTA

Diahuebs, 23 Mei 2019 AWEMainta 25

Seminario:

“Mayor ta pa semper, aunke no

ta bou mes un dak”

DURANTE e seminario di “Mayor ta pa semper, aun-

ke no ta bou mes un dak” organisa pa Fundacion pa nos

Muchanan dia 25 di mei 2019, lo tin diferente orador-
nan presente cual dos di nan ta sra. Enid de Kort, kenda

ta un Terapista di pareha y famia y sra. Shaska Kock,
un ortopedagogo, ambos trahando na Departamento di

Asunto Social.

Sra. Enid de Kort lo elabora riba tur e emocionan cu un

mayor ta pasa aden durante un separacion of divorcio.

E lo splica, p.e., con pa anda cu un situacion unda tin
rabia entre e mayornan y ainda mester tene cuenta pa

ta un bon mayor p’e yiunan.

Sra. de Kort tambe lo trata e parti unda un mayor ta

forma un famia nobo cu un otro persona, of ta desea pa
forma un famia nobo, kico ta tur e puntonan pa tene

cuenta cune ora esaki pasa.

E topico cu sra. Shaska Kock lo duna ta enfoca riba e

efectonan cu separacion por tin riba e muchanan tendi-
endo na cuenta cu nan edad y nan fase di desaroyo cu

nan ta aden.

Sra. Shaska Kock tambe lo papia tocante e emociona-
nan di e mayornan y kico esaki ta nificia p’e muchanan

cu tambe ta den e fase di separacion of divorcio.

Locual sra. Shaska Kock tambe ta haya importante ta
pa para keto riba e aspectonan positivo cu divorcio por

tin riba e muchanan enbes di solamente enfoca riba e

partinan negativo.

Si e topiconan aki ta importante pabo y bo ta desea
di ricibi mas informacion, tuma contacto cu Fundacion

pa nos Muchanan pa inscribi bo mes pe seminario di

“Mayor ta pa semper, aunke no ta bou mes un dak” cu
ta tuma lugar riba diasabra, 25 di mei 2019 di 9:00am

pa 2:00pm.
Yama FPNM na 583-4247/ 588-0856 of manda un

email na info@fpnm.aw