Page 11 - SJA

Kiwanis Aktion Club di Sonrisa a Instala su Directiva y 3

Miembro Nobo Despues di 7 Aña

Monday, 06 February 2017 11:20
Comparti

Kiwanis Aktion Club di Sonrisa a instala su directiva nobo pa e aña Kiwanestico 2017 – 2018. Esaki a
tuma lugar na Trai Merdia Sonrisa den compania di e miembronan di Aktion Club di Sonrisa, hunto cu
nan familiar- y miembronan di Kiwanis Club of Aruba, como tambe directiva di Trai Merdia Sonrisa.

Despues di 7 aña consecutivo e club di Aktion Club Sonrisa a haya un directiva nobo, pa sigui maneha e
club cu ta consisti di e clientenan di Trai Merdia Sonrisa. Durante e ceremonia oficial, Distinguido
Lieutenant Governor di Kiwanis Sr. Bob Spellen a agradeci e directiva pa nan excelente trabou y
dedicacion durante e ultimo 7 añanan y alabes tabata tin e honor di instala e directiva nobo pa aña 2017
– 2018. Despues di 7 aña di a maneha e club cu exito, presidente saliente sra. Ana Maria Tabares a pasa e
tarea di presidente over na sr. Francis Tromp. Directiva 2017 – 2018 Aktion Club di Sonrisa: Presidente:
Francis Tromp Secretaria: Militza Chirino Tesorero: Jozef Tromp Vice-Presidente: Johnny Perez Vice-
Secretaria: Sheliziah Snijders Kiwanis Advisors: Claudine Ho-Kang- You & Linda Lou Huiskes Faculty
Advisors: Kaisha Gomes & Angelique Perez Kiwanis Aktion Club di Sonrisa ta un sponsored leadership
program (SLP) di Kiwanis Club Aruba. Desde aña 2010 Aktion Club di Sonrisa ta formando parti di e
famia grandi y creciente di Kiwanis na Aruba. Ta importante pa menciona, cu e Aktion Club di Sonrisa ta
e unico club di Kiwanis actual, cu ta dedica na yuda e personanan cu limitacion, door di motiva nan pa
haci trabou comunitario y refleha e slogan di Aktion Club; “caminda desaroyo no tin desabilidad”. Aktion
Club ta un club di Kiwanis dedica specialmente pa persona cu desabilidad y ta consisti di mas cu 12,000
miembro rond di mundo. Tambe Aktion Club ta duna e miembronan e oportunidad pa ehecuta reunion
semanal, crea y ehecuta proyecto y trabou comunitario den un forma cu nan tambe ta sirbi nos
comunidad. Kiwanis Club di Aruba ta sumamente orguyoso di cada un di e miembronan di Aktion Club
Sonrisa, cu ta dedica nan tempo, amor y atencion na sirbi nos comunidad y mustra Aruba cu nan tambe
por haci hopi. Pa mas informacion tocante di Aktion Club di Sonrisa por sigui nos riba
www.facebook.com/centro.sonrisa of www.aktionclub.org