Page 15 - SJA

Minister Paul Croes y Parada di Mucha a demostra pakico
Noord ta #draai100

Monday, 06 February 2017 10:57
Comparti

Diasabra ultimo e districto di Noord a demostra un biaha mas pakico nan ta #draai100. Manera ta
custumber Paul Croes, como habitante y defensor grandi di pueblo di Noord, ta prepara algo special pa
Norteronan pronkea cune.

Net prome cu Parada di Mucha, e hoben Minister y su ekipo ta pasa saluda y reparti t-shirt cu e frase
“Noord ta #draai100.” E frase conoci entre hobennan ya pa algun tempo ta wordo usa pa describi algo of
un hende cu ta hopi bon. Cu ta resalta paso ta positivo, bon traha y simplemente estupendo. Asina por
referi tambe na e manera con Noord ta celebra su Carnaval brindando pueblo den fin di siman un Parada
di Mucha cu tabata bunita y a cana na un manera masha caminda tanto esnan aden of na banda, a
disfruta enormemente. E accion aki a keda bon ricibi cerca e ciudadanonan. Algun tabata for di trempan
luciendo nan t-shirt riba e ruta. Minister Croes a haya hopi bon comentario y elogio pa su iniciativa,
como tambe peticion pa esaki por continua. Adicional na e t-shirt, Minister Croes a pone luz y atencion
riba clientenan di fundacion Sonrisa cu a compañ’e riba e ruta repartiendo hustamente caranan
sonriente, como tambe mangel y chips pa e muchanan. Di e manera aki Minister Croes kier mustra con
hendenan cu limitacion por wordo integra den e actividadnan di nos sociedad y cu nan tin e capacidad pa
desempeña hopi tarea. Minister Paul Croes ta gradici tur esnan cu a colabora pa e accion di ‘Noord ta
#draai100’ tabata un exito y ta felicita pueblo di Noord cu un tremendo Parada di Mucha. Tambe ta keda
pendiente pa e otro actividad di Noord cu ta e Sunset Parade.

http://www.24ora.com/index.php?option=com_content&view=article&id=118405:minister-paul-croes-
y-parada-di-mucha-a-demostra-pakico-noord-ta-draai100&catid=12:politica&Itemid=18