Page 60 - SJA
P. 60
Minister Paul Croes a sostene caminata di Scol Dununman
Sunday, 05 February 2017 19:06
Comparti
Scol Dununman a organisa un caminata diabierna atardi ultimo cu e proposito di recauda fondo
necesario pa e ehecucion di un projecto cu lo beneficia alumnonan di e scol special.
Minister di Asuntonan Social drs. Paul Croes tambe a participa pa asina aporta na e bunita causa.
“E tipo di iniciativanan aki mester wordo atendi dor di un grupo mas grandi di nos pa asina e
fundacionan por sigui haci trabounan importante pa gruponan special den nos comunidad,” Minister
Croes a bisa.
Minister Paul Croes a participa hunto cu su yiu y ta felicita e organisacion pa e tremendo trabou. E ruta
di e caminata tabata for di Fishermen’s Huts pa Arashi y bek. Minister Croes ta gradici tambe tur esnan
cu a participa y di e forma aki a duna nan contribucion.
