Page 61 - SJA

Minister Paul Croes cu atencion special na personanan
special den Parada di Noord

Sunday, 05 February 2017 18:05
Comparti

Durante e Parada di mucha di Noord por a tuma nota cu Minister Paul
Croes

tabata acompaña pa un grupo di personanan special y tambe un
candidad grandi di hobenan pa asina reparti earplugs, sunblock,
chips, juice, awa y varios otro articulo pa muchanan banda di
caminda. Minister Paul Croes ta conoci pa su atencion especial pa
personanan special na Aruba e biaha aki a wordo acompaña pa e grupo
aki tambe durante e accion di tur aña den e Parada di Noord. Esnan
banda di caminda a haya esaki masha bunita mes como cu bo no ta exclui
hendenan special for di ningun actividad. Tur aña y ya pa 6 aña
consecutivo Minister Paul Croes ta organisa e accion aki cu e trein
di mucha cu musica y regalo pa e mirones. Den un entrevista cu Paul
Croes e la mustra cu como un nortero orguyoso e ta contento di por
aporta na e Parada aki den e forma aki. Tur aña e grupo aki ta
creciendo y Minister Paul Croes ta hopi agradecido pa e grupo di
boluntario cu semper ta yude den esaki. E publico a reacciona masha
positivo saludando e hoben politico y carnavalista cu e gesto bunita aki.