Page 26 - AHATA

Tito de Cuba y Jeselin Gomes-Wever: Tayer di AHATA ta pa
yuda organisacionnan riba maneho di disciplina

Wednesday, 19 April 2017 19:51
Comparti

Dianan 11, 12 y 13 di April desde 8:00am pa 1:00pm a tuma luga un tayer pa miembronan di AHATA La
Cabana Beach Resort & Casino. E tayer a bay hopi bon y cu interes grandi di e miembronan di AHATA
riba e topico di maneho di disciplina. E tayer a bay hopi bon y tabata tin hopi participacion di e
participantenan.

Esey ta haci semper e tayer hopi mas rico tanto pa esun cu ta dun'e y esun cu ta participa na dje, pasobra
nan tin e oportunidad di siña di otro. "E tema cu nos a trata tabata e maneho di disciplina. Un tema cu
den hopi organisacion ta algo cu no ta haya un maneho cu e atencion debido. Pakico? Pasobra tin hende
tin miedo pa haci'e, tin hende no sa con pa haci'e", asina Tito de Cuba, Consehero riba tereno di Maneho
Personal a remarca. Loke cu nan kier a logra cu e tayer ta pa duna e hermentnan pa por maneha e asunto
tan compleho aki na un manera sigur. De Cuba ta kere cu e reaccion tabata hopi bon, pasobra algun a
bisa su persona cu nan a haya hopi tip cu ta bon, nan a sinti nan mes mas confortabel pa atende awo cu e
asunto aki. Director Human Resources Operations Marriot Hotel, Jeselin Gomez-Wever, a haya cu e
tayer tabata interesante. E tabata un refresher pa nan pa traha un documentacion.

"Kico ta tur punto importante pa sigura un documentacion tin den dje. Hopi biaha un manager por
ehempel ta kiboca y ta pensa cu un documentacion ta un manera pa bo straf un trahado cu no a cumpli
cu regla di e compania. E training ta duna nos hopi conseho cu net un documentacion no ta pa straf un
trahado, pero e ta pa guia un trahado pe por cambia su actitud", Jeselin Gomes-Wever a remarca. Esaki
ta enfatisa riba e comportacion cu e trahado a haci cu no ta corecto y con por cambi'e. Si e no cambia
esey, awel kico ta e siguiente paso cu consecuencia lo bay tin pe trahado aki. Esaki ta tayernan cu e
instructor constantemente ta interactua cu e participantenan. A base di e interes di e miembronan di
AHATA, lo tuma luga e siman aki un di dos curso riba e mesun topico aki. Asina aki AHATA por ofrece e
curso aki complementario na mas miembro.