Page 10 - AWEMAINTA
P. 10
10 AWEMainta Diaranson, 30 November 2016
30 kilo di cocaina confisca y 2 detencion
KRALENDIJK – Durante un accion combina, den marduga di 28 pa 29 di
november 2016, di Guardacosta, Koninklijke Marechaussee (KMar) y Korps
Politie Caribisch Nederland (KPCN) a detene dos sospechoso y a confisca
(probablemente) cocaina y un boto cu nan a uza pa transporta e droga.
Den marduga a drenta via di Reddings en Coördinatie Centrum (RCC) un in-
forme di un boto sospechoso. Guardacosta y KMar den un patruya combina a
bay busca e nabegacion, mientras cu KPCN a investiga na costa. Debi na un
bon cooperacion a detene e sospechosonan cu a subi tera. Durante e accion a
los tironan di advertencia.
E sospechosonan ta hombernan cu inicial J.D.H.P. (1984) en L.A.H.P (1990),
ambos naci na Venezuela. Den e nabegacion a bin haya un pakete cu 30 kilo di
droga, probablemente cocaina.
E investigacion ta continua bou di liderazgo di Ministerio Publico (OM) BES.
No ta descarta mas detencion den e caso aki.
