Page 18 - bon-dia-aruba-20181201
P. 18
A18 DEPORTE
Diasabra 1 December 2018
E prome pa haci e den e islanan ABC
Vianney Coffie e prome polis pa participa den IronMan
MACUARIMA - Cuerpo Policial Aruba ta anuncia cu
Vianney Coffie, un polis no desconoci den nos comuni-
dad, lo participa den IronMan 2018. Vianney Coffie ta
forma parti di e unidad canino, miho conoce como (K9
UNIT) di Cuerpo Policial Aruba.
Tur cos a inicia na e comienso di e aña aki ,ora el a participa
den Ronde van Aruba. Esaki tabata e comienso di un hazaña
cu awe e ta bay participa na Iron Man na Colombia.
Despues cu e exigencia di Scol di Polis tabata halto den loke
tabata deporte, esey a motiva Coffie pa duna 100% di su parti
den deporte pa asina e por termina y haya su MBO diploma
di polis. E no por a haci e su so. Hunto cu su coleganan di
klas, nan a yud’e y push’e pa asina e pone su mente dirigi pa
logra su metanan. Ora el a wak cu nada ta imposibel, ta di e
momento ey el a wak cu un carera nobo lo inicia su dilanti.
El a hinca su mes den deporte, no solamente pa e parti fisico
pero mentalmente tambe, pa asina e por yega final na cada
evento deportivo.
Iron Man 2018
E IronMan lo tuma luga na Colombia. Ta trata aki di un ver-
sion chikito cu yama 70.3, cu Coffie lo participa. E ta encera
1.9km di landamento, 90km di bicicleta y un half- marathon
di 21km na pia. Bryan Lampe ta un di su sostenedonan, cu a
push’e pa awe e ta bay pa e di 2 hazaña, cu ta e IronMan. Cof-
fie mes a haci su sondeo y a constata cu na Aruba, Boneiro
y Corsou no tabatin niun agente policial cu a yega asina leu
pa participa den un evento di magnitud asina. Coffie lo ta e
prome agente policial di Aruba cu lo participa den e evento
aki, cu lo carga Aruba y KPA den exterior.
E aña aki Coffie a atende diferente evento deportivo. E mo-
tivacion lo sigui y Coffie su meta principal ta pa completa e
IronMan 2018. Coffie a biaha caba pa Colombia pa IronMan.
Tabata 6 luna di preparacion y awor e dia a yega. Mañan, dia-
domingo dia 2 di december lo tin e competencia, y Coffie ta
cla pa participa y ta mentalmente prepara.
