Page 47 - MIN.JUS

http://www.24ora.com/index.php?option=com_content&view=article&id=118856:flex-team-
controlando-auto-sospechoso-den-bushiri-&catid=1:local&Itemid=5

Taxista Joy Werleman: Cada taxista tin su responsabilidad

mirando e seguridad di bo pasaheronan

Friday, 17 February 2017 16:12

Comparti

Joy Werleman di taxi 26 tambe ta conta un tiki riba e control di DTP. Tabata tin basta taxi para na
aeropuerto. Ayera tabata banda di waf. El a splica cu control semper no ta malo. E ta na su luga. Pasobra
bo ta evita momentonan inecesario ora cu bo haya bo mes den accidente.

Bo tin responsabilidad cune na momento cu bo tin turista abordo, bo seguro mester klop, number di auto
paga, gekeur. Mester demostra cu nos ta un isla sigur, den tur forma cu ta presenta como taxinan di
Aruba. Na Aruba ta conoci como taxi berdad, pero si compara taxistanan na Aruba y di exterior, akinan
ta riba un nivel tiki mas halto, cu nan den e sentido cu na prome luga nan ta chauffeur, di dos nan ta
embahado di Aruba y hopi di nan ta funciona como tourguide y propaga nos isla mas hopi posibel.
Werleman ta kere cu ta na su uga cu tur cos mester ta na ordo. Nan mester ta representabel tambe den
tur forma. Auto netjes, bon bisti. Tur eseynan ta un caracter cu ta atrae turismo den calidad den futuro
tambe. Werleman a splica cu ta algo cu ta custumber di Aruba cu hende ta warda te ultimo. Tin hende cu
pa motibonan financiero nan ta haya nan cu nan no por tene al dia. Pero si tin’e bon presupuesta por
cumpli cu e rekisitonan aki. Si condicionnan cambia, mester sa pakico y dicon. Eynan pueblo ta
reacciona otro. E sistema tey. Si e no ta traha, tin cu cambie den futuro toch. Si e no ta prove su mes bon,
e ta keda, si e ta malo, tin cu cambi’e.

Cuanto trip Werleman a splica depende di dia e ta gana su bon trip y tambe depende cuando checkout y
cuando checkin tin, ta tira e tripnan necesario pa hiba e turistanan bay bin bek. Un weekend semper ta
bon, pero den siman ta caminda cu ta handicap. Si ta falta vuelonan extra cu tin cu fill in. Ta depende
tambe di cambernan disponibel cu tin durante high season cu nos ta awor aki. Tin cooperacion, pero
semper tin cosnan chikito cu tin ora ta stroba e servicio un rato. No ta descarta esey pasobra kier relax un
rato tin ora bao di e dak. Tin biaha hasta domino nan kier hunga pa pasa e tempo un rato.