Page 49 - MIN.JUS

Minister Dowers contento cu iniciativa di companianan local
pa yuda nos hobennan na San Nicolas

Friday, 17 February 2017 16:15

Comparti

Nos a papia cu Minister Arthur Dowers, kende tabata hunto cu minister Mike de Meza na San Nicolas. E
tabata hopi contento di tey hunto cu su colega, kende semper a kere y lucha duro den e parti di Citgo y
por mira un positivismo na San Nicolas, despues cu a anuncia cu Citgo lo bay cuminsa cu rehabilitacion
di e refineria.

E tabata contento di tey y a scucha e noticia caminda cu un compania a bin dilanti y cu lo bay crea un
parti di inversion pa nan trabao, pero cu nan ta tene cuenta di biaha tambe cu loke ta e aspecto social y
comunitario, caminda cu hobennan por haya formacion. E compania, tin di compronde, ya caba ta
coopera cu husticia pa loke ta trata cu e proyecto via Reclassering y kier haci’e den forma mas amplio y
sigur ta algo di aplaudi. E trabao cu a haci caminda cu no solamente a mira con pa cera hende, pero a
keda haci un apelacion tambe na comunidad pa yuda caminda cu por. E ta hayando acogida den
comunidad y cu comunidad tin e atencion pa e problemanan cu nos tin den nos pais. E minister a felicita
San Nicolas, e compania y tambe minister de Meza, cu ta moviendo y ta yuda stimula situacionnan
positivo pa San Nicolas. E hobennan ta haya oportunidad pa haya formacion. E base pa haya un trabao y
tene un trabao toch ta cierto grado di formacion y esey falta hopi biaha. Ora cu un hende no a logra di
keda semper den enseñansa e ta buta cu e no por yega much leu den bida, a lo menos e tin un willpower
hopi grandi. Esaki ta un bunita oportunidad. Ta spera cu mas compania por haci mesun cos. Mañan tin
un reunion caminda ta papia cu e gremionan caminda cu lo haci apelacion cu tur caminda cu por, sea di
condicionnan diferente, por ta cu loke ta mas tradicional, yuda toch e hobennan cu ta bay den e caminda
robes, e mandatario a enfatisa.

http://www.24ora.com/index.php?option=com_content&view=article&id=118859:minister-dowers-
contento-cu-iniciativa-di-companianan-local-pa-yuda-nos-hobennan-na-san-
nicolas&catid=1:local&Itemid=5