Page 17 - WEB
P. 17
Sindicato di Elmar a divulga monton di
conflicto di interes den e compania
August 23, 2018
ORANJESTAD (AAN): Segun Raymond Maduro, kende ta presidente di Sindicato Alvast
cu ta representa trahadornan di NV Elmar, recientemente a tuma lugar un reunion, cu e
board di Hunta di Comisario di NV Elmar, unda a trata e tantisimo kehonan contra e
director di e compania, esta Robert Henriquez.
Segun e Sindicato, e reunion tabata necesario un investigacion rigoroso di e maneho cu
e director y su team rond di dje a hiba den e ultimo 8 aña.
E ocho añanan aki a produci masha hopi keho y señalnan riba e maneho aki. E
kehonan a bin no djis di e trahadornan, pero tambe di cliente, y proveedor di servicio.
