Page 30 - MIN VOS

Clientenan Di Mediq Ta Haya Oportunidad Pa Haci 5

Ehercicio Den 5 Minuut

 Local
- 09/04/2017

Dia 7 di april mundialmente a observa dia di salud y pa henter luna di april, Mediq
Pharmacies lo promove pa tur hende ta mas saludabel y keda fit. Mediq Pharmacies tin
un botica central cu ta Mediq Botica Oduber, cu ta enfoca riba salud y p’esey a bin cu e
campaña “Stay Fit – Pay Less “E bunita ta cu bo ta haya e oportunidad pa train 5
ehercicio den 5 minuut, di cual cada un ta dura 1 minuut. Despues di haci ehercicionan bo
por sigui haci compras y bo ta ricibi un descuento di 10 florin”, asina Meredith Giel,
representante di Mediq Pharmacies, a remarca. Na Mediq Botica Oduber clientenan tin e
oportunidad di participa den e campaña “Stay Fit – Pay Less”. E trainer ta scoge e 5
ehercicionan pa Bo y ta haci cada ehercicio pa 1 minuut.Asina cu completa e
ehercicionan aki, clientenan por sigui haci compras y riba nan recibo nan ta haya un
descuento.Mediq Pharmacies, conoci pa semper ta cla pa duna bek na comunidad, a
anuncia cu nan lo haci un donacion di Afl. 1,25 riba cada recibo di compras cu e cliente
haci despues cu nan completa e 5 ehercicio den 5 minuut. Lo haci e donacion aki fin di
luna na e Fundacion Celebro Vascular Aruba.E campaña a inicia 7 di april y por participa
desde dialuna pa diasabra cu excepcion di diadomingo y dianan di fiesta. “Nos tin full e
luna di april dor cu ta luna di salud y p’esey nos kier promove esaki”, asina Meredith Giel
a termina bisando.E luna aki esunnan cu kier cambia di botica por haci esey y por bira
cliente di Mediq Botica y haci ehercicio pa 5 minuut.