Page 34 - AWEMAINTA

34 AWEMainta Diamars, 21 Maart 2017

Visser Wholesale y Dinah

Veeris ta presenta un liña

di te y yerbanan organico

DINAH Veeris, kende ta conoci y reconoci como
experto y specialista den matanan y yerbanan cu
cualidadnan curativo y beneficioso pa salud, a intro-
duci su liña di te organico na Aruba recientemente
caminda cu Visser Wholesale ta e distribuidor ex-
clusivo pa Aruba.

Pa lansa e productonan, Dinah Veeris tabata invitado
di Visser Wholesale cu a pasa algun botica ariba nos
isla unda cu clientenan a haya e oportunidad unico
di purba e te nan y pa intercambia tocante condi-
cionnan personal y haya conseho tocante e uzo di
nos recursonan natural, tur loke nos flora ta duna
nos, na nan bienestar.

E surtido di te nan organico maner : Kima Vet, Yerb’e
Vogt, Yerb’e presion, Koemiskoetjing, Djeten di Leon
y Espirea ta algun di e te nan cu actualmente ta ob-
tenibel como tambe su dos bukinan, esta “Afrikaantje
& 99 andere kruiden” y e diccionario di yerbanan
y matanan local “Van Amandel tot Zjozjoli” tambe
a wordo presenta y actualmente ta obtenibel na
boticanan Mediq: Botica Kibrahacha (Super Food
Plaza), Botica San Lucas (Caya Grandi, San Nicolas),
Botica Centro Medico (Bernardstraat), Botica Cen-
tral (Santa Cruz), Botica Oduber (Caya G.F. Betico
Croes) y Botica Trupiaal (Caya Ernesto Petronia).

Den e proximo lunanan lo amplia e liña di produc-
tonan di Dinah Veeris pa por sigui ofrece e pueblo
Arubiano. Pronto sra. Dinah Veeris lo ta di buelta na
Aruba y lo bay duna un charla splicando mas detaya
tur e balornan agrega di cada di su productonan.