Page 18 - MIN JUS
P. 18
AWEMainta Diasabra, 25 Maart 2017 39
Guardacosta a detene 17 ilegal na Corsou
WILLEMSTAD – Diahuebs 23 di maart 2017,
Guardacosta di Reino Hulandes conhuntamente
cu Cuerpo Policial di Corsou a intercepta un boto
transportando 17 persona ilegal na Corsou.
Alrededor di 9:30pm, operador di radar di e Centro di Rescate y Co-
ordinacion a detecta movecion pazuid di Corsou. Patruya di e Jaguar
a sali pa dicho direccion. Entre Spaanse Water y Fuikbaai, nan a topa
un boto tipo eduardoño yen di persona. Nan a wordo hiba na punto
di sosten Parera.
Entrada hudicial
A constata cu tur 17 persona, 1 muhe y 16 homber, a purba drenta
Corsou di forma ilegal.
Tur persona ta di nacionalidad Venezolano. E boto a wordo confisca, cu tres detencion
mientras e personanan ilegal a wordo entrega na Cuerpo Policial.
Investigacion ta continua. WILLEMSTAD – Diabierna 24 di maart 2017, al-
rededor di 5’or di marduga personal di recherche y
Team di Aresto, a tene entrada hudicial den un cas
den area di Fuik.
E entrada hudicial tabata en conexion cu buskeda di
un sospechoso.
Durante di investigacion den e cas ariba menciona
Polis a haya y confisca:
Diferente saco grandi cu ta contene marihuana; Algun
saco chikito cu ta contene cocaine; y placa cash. A
detene dos hende homber y un hende muher: R.R.S.
di 35 aña di edad; Sh.I.H. di 25 aña di edad y e hende
muhe O.D.A. di 28 aña di edad. Tur naci na Corsou,
como sospechoso pa violacion di e Ley di Opio.
A presenta e sospechosonan dilanti di un fiscal aux-
iliar cu a ordena encarcelamento di R.R.S. y O.D.A.
pa mas investigacion. Sh.I.H. por a bay cas despues
di interogacion.
E investigacion den e caso aki ta continua.
