Page 26 - MIN JUS

REINO Diasabra 25 Maart 2017
9

Control severo na costanan

Wardacosta a bolbe

detene ilegalnan for di

Venezolano

WILLEMSTAD – Wardacosta a bolbe detene ilegalnan
Venezolano den oranan di ayera nochi. Wardacosta a
señala un barco sospechoso biniendo den direccion di
Corsou. Mesora a investiga e caso y en berdad a topa
cu un lancha cu 17 hende na bordo, di cua 16 ta hende
homber y 1 hende muhe.

Wardacosta cu ta activo caba na costanan di Corsou den ul-
timo dianan relaciona cu e control mas severo pa loke ta trata
importacion di arma, a actua rapidamente den e caso aki y a
ordena e lancha pa bin tera. Na tera a detene esnan na bordo
di e lancha. Cu un bus a hiba nan barak pendiente di nan
deportacion.

E caso a genera preocupacion como cu ultimamente por a
nota un patronchi di mas y mas Venezolano biniendo Corsou.
Esnan cu bin cu avion hopi biaha no ta bay bek.

Otronan, pa motibo di e situacion di deterioro economico so-
cial serio den e pais bisiña ta crusa frontera pa trata di busca un
miho futuro na Corsou. E situacion ta parce un poco similar
cu e situacion na Cuba caminda balseronan ta crusa lama pa
busca un miho futuro na Merca.

E caso di ayera tin un dimension adicional como cu a pro-
nosti8ka cu tempo lo tabata malo, pero no obstante esey tog a
sali for di e pais bisiña y a yega Corsou.

Autoridadnan ta den estado di alerta pa e situacionnan aki
pero tog ta bon pa bisa cu tin preocupacion cu si e situacion na
Venezuela no mehora cu lo bay tin hopi di e casonan aki mas
den futuro. Por cierto te na momento cu nos a bay imprenta
no tabatin un version oficial di e caso di ayera nochi.

Bishita fructifero di

‘nationale ombudsman’

na entidad publico Boneiro

KRALENDIJK -- Riba dialuna 13 y diamars 14 di
maart e ‘Nationale Ombudsman’ (Defensor di
Pueblo) Reinier van Zutphen tabata di bishita
cerca Entidad Publico Boneiro. Sra. Willemijn
van Helden, lider di tim di e seccion di Trabou
y Entrada na ‘Nationale Ombudsman’ tambe ta-
bata presente.

E meta di e bishita tabata pa duna forma mas aleu na
e cooperacion actual entre Entidad Publico Boneiro y
‘Nationale Ombudsman’. Algun combersacion fruc-
tifero a tuma luga durante e bishitanan aki. Comb-
ersacionnan caminda a trata topiconan manera entre
otro e importancia di mehoracion di e maneho actual
di keho.
Relaciona cu dos rapport cu ‘Nationale Ombudsman’
a emiti a hiba combersacion cu Entidad Publico Bo-
neiro y e otro partnernan. Den e combersacionnan aki
a investiga te con leu e recomendacionnan den e rap-
portnan a conduci na solucion di e kehonan. A investi-
ga tambe si tin otro maneranan pa den consulta mutuo
yega na un solucion bunita.
Fin di maart y cuminsamento di april e investigadonan
di ‘Nationale Ombudsman’ ta bin Boneiro pa tene
consulta.