Page 17 - BNDIA ARUBA
P. 17
A17
HENDE Diamars 11 Juni 2019
Concierto Dominical Donny Laclé cu musica instrumental, rap y crioyo
ORANJESTAD - Un publico masha anima a gosa di e
bunita programa presenta dia 26 di mei den ‘Café Mu-
sical’ na Biblioteca Nacional na Playa, yen di bon musi-
ca y literatura, pa e Concierto Dominical Donyy Laclé.
E concierto a cuminsa cu un caluroso bon bini den nomber di
CEDE Aruba, Samenwerkende Fondsen Caribisch deel van
het Koninkrijk y Fundacion Donny Laclé na nos publico.
E biaha aki a cuminsa cu un recital di despedida, dedica na
Lidrick Solognier cu pronto ta bay studia na conservatorio na
Hulanda. Lidrick ta un di e hobennan cu semper a briya den
nos conciertonan, tur ora cu el a toca. Lidrick a ricibi di Fun-
dacion pa Talento Musical Donny Laclé algun aña pasa un
contribucion pa su estudio na Scol di Musica Rufo Wever.
E presentacion di e mainta aki tabata su ultimo presentacion
pa publico di Aruba prome cu e cuminsa su estudio na Hu-
landa. Pa e presentacion aki e siguiente personanan a
compaña Lidrick: Stephen Diaz (percusion), Denzil Tromp
(percusion), Alejandro
Gonzalez (percusion), Carlos Bislip (percusion), Lazaro Bari-
zonte (tenor sax), Angelo
Kock (piano), Ivan Quandus (baho) y Lidrick mes (drum).
Canticanan cu a presenta ta entre otro “Cha cha cha”, “Dahlia”
fuera di cantica di Jazz cu ritmo di Rumba Chonta y Tambu.
E di dos presentacion tabata consisti di musica y literatura:
Ginelly na Caminda a presenta un rap na Papiamento tocante
“E caya di Monchi” compaňa specialmente pa Lidrick.
Philomena Wong a declama dos poesia nobo: “Atami aki
despues di hopi tempo” y “E regaldo di mas precioso”.
Durante e pausa e Caha di Glas a pasa rond. E donacionnan
cu e Fundacion ta ricibi ta percura pa e Fundacion fin di aña
por otorga beca na diferente hoben pa nan sigui desaroya nan
talentonan musical.
E concierto a clausura cu Tipico Dabaruida bao di direccion
di Fabian Ras cu nan musica crioyo y alegre.
E proximo Concierto Dominical Donny Laclé lo tuma luga
30 di juni 2019.
