Page 2 - AWEMAINTA
P. 2
2 AWEMainta Dialuna, 3 September 2018
Algun dia prome cu e cumpli aña
Hoben di 22 aña a haya hinca
mortal drentando su auto
DIADOMINGO den oranan di madruga a
keda informa di otro caso unda un ciudadano
di Aruba a perde su bida den forma violento
(sea accidente di auto of cu su bida a wordo
kita). E victima e biaha aki di e insiguridad na
Aruba ta un hoben cu a luna aki lo mester a
cumpli 23 aña.
Segun e informacion oficial, algo pasa di 3’or,
polis ta wordo manda cu urgencia na Sandbar
pa motibo cu un persona a wordo hinca.
Na yegada nan ta wordo informa cu e perso-
na hinca a wordo hiba cu un Jeep Wrangler pa
Hospital.
Mientras algun patruya di polis a bay na hos-
pital pa busca mas informacion, algun patruya
tambe a bay na e parkeerplaats pabou di Sand-
bar pa busca mas informacion.
E informe cu nan a ricibi. ta cu tabata tin un
pelea y e victima den e pelea a wordo hinca pa
un persona y cu despues cu el a hinke, apar-
entemente elo a subi un Pickup Hilux cora un
poco bieu y a bay for di e sitio.
Na Hospital e victima ta fayece un rato despu-
es di su yegada. E amigonan di e victima tabata
na yoramento y e patruya na hospital a pidi pa
presencia di Slachtofferhulp, tambe a manda
yama e famia di e victima, kendenan no tabata
sa cu momento cu nan yega hospital ta topa cu
e noticia cu e hoben di 22 aña a fayece.
Tabata trata aki di Camilo Alejandro Carreño-
Sosa, naci dia 28 di september 1995, pues di
apenas 22 aña di edad.
Segun por a compronde, el a haya un hinca bou
su brasa den bisindario di su pecho. Probable-
mente el a perfora un ader grandi.
KPA di biaha a forma un team cu mester bay
concentra riba e caso aki y aresta mas lihe posi-
bel esnan envolvi den e caso aki. Ta parce cu e
victima tabata na punto di drenta su auto, ora
cu el a wordo ataca. Den e area ey tin diferente
camaranan di siguridad y tur lo wordo controla
pa filmacionnan cu por yuda na detencion di e
persona(nan) envolvi. P’esey ta bon pa cualkier
persona cu tin informacion pa entrega esaki na
Recherchenan.
Na famia di e hoben ta bay palabra di condo-
lencia.
