Page 3 - AWEMAINTA

Dialuna, 3 September 2018 AWEMainta 3

Mike Eman a confirma: e lo postula su mes bek como lider

“Aruba ta bibando un pesadiya nunca bisto”

CU un bos yen di preocupacion pa loke ta pasando na Aruba, lider di
AVP Mike Eman a hiba palabra durante Cumbre 2018 di AVP. Un cum-
bre durante cual pa e simpatisantenan di e partido berde a sinti speransa
cu cos lo por cambia den futuro, cu e partido berde den Gobernacion.
Den e discurso di e lider el a papia di e decisionnan cu el a enfrenta
despues di eleccion, unda partido a bay atras cu 30% di voto pero el a
keda como e votegetter di Aruba; dos resultado cu a pone pensa y cu awe
un aña despues, e por bisa cu Aruba mester di un eleccion nobo.
Ora lider di partido Mike Eman a subi podium bou e musica cayente di
un brassband, e publico a aplaudi fuertemente y tur rond por a tende gri-
tonan fuerte di apoyo. Hendenan a yega cerca pa brase y mustr’e y bise
cu nan ta stime. Eman a papia manera e so por, tocando curazon di cada
un presente. Na momento cu el a bira emocional, publico a dun’e animo
bisando cu nan ta cu ne. Ta e nan kier como lider. Un lider cu apesar cu
partido a bay atras den voto, a mantene su votonan pa bira un bes mas e
politico cu mas voto individual. Un lider stima pa su pueblo. Esey ta loke
a resalta un bes mas durante Cumbre’18 di partido AVP cu tabata super
exitoso. Un lider cu apesar di a haya oportunidadnan encantador for di
tur parti di mundo, a dicidi di keda como lider ya cu esey tabata loke
su hendenan kier. Asina tambe el a anuncia cu su meta ta pa sigui sirbi
pueblo, unda cu el a scoge “pa no descansa tanten cu felicidad no yega na
cada skina di Aruba”. Na mesun momento el a anuncia cu e lo postula su
mes y pone su mes re-eligabel como lider di partido AVP.
“Soñonan grandi di e comunidad aki cu wordo kibr ata hopi. Nunca antes
cu mi por corda tabatin un situacion di pesadiya colectivo den e pais aki.
Un banda un bloke asina grandi di votadonan cu tabata kier pa partido
AVP sigui cu su trabou, a haya un pesadiya dia 22 di september,”e lider a
expresa. Y ora cu e partidonan a bisa cu lo goberna sin medida, pero awe
tur contrario lo sosode, votadonan di AVP y otro partidonan nan soño a
wordo kibra y Aruba ta biba un pesadiya colectivo.