Page 17 - BNDIA ARUBA

A17
HENDE Diasabra 3 November 2018

Awe ta celebra Dia di Morto na Mexico, ki ta e

motibo di e celebracion aki?

MEXICO – Awe ta celebra ‘Dia de los Muertos’ na
Mexico. Esaki ta un tradicion consagra di e cultura
Azteca di origen pre-Hispanico cu ta expone e morto
como parti di bida, y ta celebra esaki cada 2 di novem-
ber. Esaki segun e informe di NotiAmerica.com.

Ta existi e certeza cu desde e epoca pre-Colombina, e civili-
sacionnan aki tabata celebra ritualnan cu tabata simbolisa e
morto cu e uzo di e craneo di nan antepasadonan.

E popular creencia ta cu durante e dia aki, e alma di e
fayecidonan ta bolbe na bida, ora nan famianan ta wardando
nan cu un ritual di veneracion.

E homenahe ta consisti di cuminda y bebida faborito y in-
cluso cu wega, si ta trata di mucha.

Durante e evento, e santananan ta converti den e luga cu mas
transito y iluminacion di Mexico. E famianan ta bay, den or-
anan di dia y di anochi, pa hiba bela cu e persona ta pone riba
tumba di su ser keri, pa ilumina su caminda.
Durante e celebracion, e capital Azteca ta yen di color cu e
desfilenan yamativo cu ta recore e cayanan. E actividad aki
ta trece aproximadamente cuater miyon bishitante na e pais,
un cifra turistico cu ta beneficia economia di e ciudad. ‘La
Catrina’ ta e famoso reina di e desfile aki, aunke tambe e ta
competi cu e carosa y marionetanan, e ‘mojiganga’ (popchi
grandi) y figuranan den forma di balon.