Page 41 - FDLP

Solamente 144 persona tawatin e privilegio di a presencia e show magnifico aki, un
fundraiser dinner show completamente sold out. No tin otro palabra pa describi e
anochi aki, absolutamente espectacular.

Barracudas Aruba a presenta e concepto di Cirque du Soleil y a demostra no solamente
nan talentonan como atleta di landamento artistico, pero tambe como bailarin, combina
cu movimientonan acrobatico.

E lema di Barracudas Aruba ta: Hearts of Swimmers y Souls of Dancers cual nan a duna
bida na dje por completo durante e anochi aki den un forma artistico, completo cu
efectonan di lus y trahenan briyante pa duna e efecto di WOW. E MC di e anochi tawata
Srta. Irina Croes, un ex-atleta y un judge actual pa competencianan di Barracudas.

E anochi lo no tawata posibel sin e cooperacion inmenso di Divi All Inclusive Aruba, cu a
habri su portanan pa e club mas cu 30 aña pasa. Barracudas ta dunando shownan na
Divi Hotel desde añanan 1984, deleitando bishitantenan pa decadanan tras di lomba. Y

diasabra por a celebra nos 45o aniversario na “cas” mes.

Na prome lugar kier a gradici Sr. Alex Nieuwmeijer y e staff completo di Divi y en
especial Sr. Freddy Zedan cu tawata envolvi di comienzo te final pa yuda nos hasi e

anochi aki uno inolvidabel pa tur presente.

Divi Aruba All Inclusive a prepara un cena sabroso di pasco pa complementa e
experiencia di e anochi aki. Danki tambe na tur otro sponsor cu a coopera pa hasi e

anochi posibel.

Na e coaching staff cu a traha incansabel mainta y anochi durante siman nan largo, cu
hopi amor, pa e anochi bira uno inolvidabel pa tur presente. Masha danki Alva Torres,

Yami Romay, Nathania Taylor y Greta Costa.

Na tur mayor cu a coopera 100% pa e muchanan por asisti tur training den preparacion
pa e anochi aki. Ademas danki na mayornan voluntario cu a traha extra pa organisa

baile, costuum, y coordina tur otro cos pa a hasi e anochi exitoso. Danki Candi, Esther,
Natascha, Yvette y tur otro mayor cu a contribui di un of otro manera.