Page 44 - FDLP

Aña pasa David a core 100 kilometer cu a wordo bendi na 100 florin y a recauda 10 mil
florin. E aña aki nan kier recauda 25 mil florin unda cu Shariska Winterdaal, cu ta atleta
hopi conoci y unico dama cu a core rond di Aruba su so, ta bay core 500 kilometer riba
bicicleta.

E fundacion ta bende e kilometernan na 50 florin pa asina recauda 25 mil florin.

E evento aki ta dia 15 di December en curso, saliendo for di Linear Park y lo caba na

mesun lugar dia 16 pa 2’or di atardi. E evento aki ta bay tuma 22 ora, pues loke e
hoben ta bay haci ta algo increible, David a acentua.

E actividad mester bay hopi bon coordina, pasobra ta bay ta un caravana hopi grandi,

sr. Polanco a menciona, y no lo desea mas di diez ciclista riba caya riba e mesun
momento aki.

Ta bay tin cinco coredor. Pa cada 100 kilometer lo tin un pa sirbi e hoben cu algo pa

bebe y come, y zorg pa tur cos ta bon cu Shariska.

Personanan cu ta desea por haci donacion. E meta ta hopi positivo unda lo purba di
crea heroenan local mes, y e evento aki lo bay den historia, David a subraya.

David mes ta un hoben atleta y el a comenta cu na Aruba mester duna mas realze na
nos atletanan tanto esnan di antes como e hobennan di awe, y kier wak na Aeropuerto
di Aruba, ora cu pasaheronan yega, por wak potret di nos deportistanan cu a destaca y

esnan di momento. Asina, manera Corsow si ta haci.

Na Corsow diariamente nan ta papia di nan atletanan, nan ta duna clinica, etc. David ta
haya cu e heroenan di awendia den nos hubentud ta mas tanto reggaetoneronan, cual

mensahe no ta di e positivo ey. E ta haya cu deporte, den ningun pais ta muri; deporte
y su logronan ta carga e pais.

“Si mi por a duna un conseho esey ta pa no spaar placa riba educacion ni deporte, pero

zorg pa nan keda halto”, e hoben a expresa.