Page 61 - FDLP

Team “Biba Lekker” A Pone Team “Snor” Come Cabei!

 Local
- 18/09/2019

Diasabra ultimo tabatin e prome gran bataya den torneo NOS cu NOS n’e unico Domino
Square Garden na mundo, esta 99 Bar & Restaurant situa na Calabas/Kudawecha.

Den un increible demostracion di “domino-kunde”, e team cu pa añas caba ta duna Team
Snor dolor di cabes, esta Team Biba Lekker, un biaha mas ta suta Team Snor den un
forma cu aki e diosnan di domino mes a bisa ta basta!

Prome cu half time ainda, manera nan ta bisa na Hulanda, tabatin “geen vuiltje aan de
lucht”. Team Snor y Team Biba Lekker tabata bataya otro mano a mano y e encuentro ta
drenta half time cu score di 11 – 8 na fabor di Team Biba Lekker.

Un score “mwah” cu por bay ambos banda ainda, aunke cu capitan di Team Snor ainda
no por tabata presente pa motibonan di compromisonan “laboral”.

Despues di un pauze basta largo, ya cu 99 Bar & Restaurant ta conoci pa ofrese su
guestnan un batayon di snack sumamente sabroso den half time, e bataya a continua
caminda cu Team Snor tabatin su “general” bek na mando!