Page 62 - FDLP
P. 62
Team Snor, conoci pa nan uniform hopi original caminda cada hungador tin un polo
custom made cu su caricatura riba, a sali loke cu tin cu intencion brabo brabo!
Segun “Snor” Perez, a yega e ora pa pone un sugar tax pa Team Biba Lekker!
Sinembargo, lo bay resulta cu ta Team Biba Lekker ta mandando sucu di Team Snor sky
high!! Mientras cu pafo tabatin demostracion di “Breakdance” y na bar algun fanatico
tabata practica nan habilidad den “kansrekening”, Team Snor tabata cay den velocidad
morocoy y den un frega di wowo e score tabata 20 – 10 na fabor di Team Biba Lekker!
Asombro y mal beis tabata bisto riba cara di integrantenan di Team Snor, y di nervio y
susto capitan ta morde su snor pisa! Un rato despues e grito di alivio ta cay… “Biiiiba
Leeekker!”
Pues asina, den forma aplastante, Team Biba Lekker un biaha mas ta demostra cu nan t’e
pesadiya di Team Snor, kendenan te dia di awe nunca por a gana Team Biba Lekker!
E veredicto pa Team Snor ta, manera nan ta bisa na Merca: “needs work”!
