Page 13 - MIN ON

Twitter

Cabesante Jane Bueno-Hooft

ORANJESTAD (AAN): E siman aki a tuma luga un encuentro di lidernan di school
durante e training di Internacional School Leadership (ISL).Jane Luisa Guzman,
cabesante di Abraham De Veerschool MAVO a participa na e training di Internacional

School Leadership y ta haya durante e training aki a haya e oportunidad di intercambia
idea- y tipnan pa mehora school.“ISL a bay hopi bon pasobra prome biaha bo ta mira e
lidernan di school na Aruba henter ta bini hunto, locual casi nunca bo no ta haya
oportunidad asina pa intercambia ideanan y tipnan con bo ta haci na bo school, con abo

ta haci’e na bo school. Esey ta algo cu mi a haya ta hopi bunita y mi ta spera cu lo bay
tin mas oportunidadnan asina,” segun cabesante di Abraham De Veer Mavo School.E
contenido di locual a presenta tabata hopi interesante. Bueno-Guzman-Hooft ta un lider
di un school cu un edificio practicamente nobo y durante ISL nan a haya tipnan con pa

haci’e miho. “Bo a mira hopi aña aden, aña afo con e ta worde haci. Bo ta mira kico a
bay robes y kico por haci miho. Esey mi a haya hopi interesante den e parti di effective
schools. Tambe e chartnan cu nan a duna con bo por haci’e miho na un school. Nos ta
trahando ariba esey poco poco pa hiba e school mas dilanti.”

Aworaki na Abraham De Veer School nos ta implementa na e momentonan aki caba
algun cambio pa haci e school mas efectivo, kiermen effective schools. Tambe e John
Hattie Mindframes ta hopi interesante. “Abo como school leider por haci un cambio den

bo school. Kiermen, esaki ta significativo pa bo school y cu bo por stimula docentenan
tambe. Ami ta pensa tambe y kere firme cu un school ta draai bon ta ora bo
docentenan ta contento. Anto docentenan contento tin muchanan contento. Esey ta
hopi importante.”