Page 21 - DESPA

GKMB ta cla pa 2017 vooral awo cu tin hopi yobida

Monday, 16 January 2017 21:18
Comparti

E temporada druk ta on na e momentonan aki pa loke ta yobida. Clayton Croes di GKMB a conta riba un
bista con controla GKMB tin'e.

Pa 2017 GKMB a ranca sali desde dia 3 di Januari cu un gran cantidad di yamada. A cera e aña cu un
total di 1500 yamada. Si compar'e cu 2015, a cera un aña cu 500 yamada, cual ta haci 2016 a aumenta cu
tres biaha e cantidad di yamada di casonan. Croes a splica cu ta yamadanan di molester di sangura, unda
cu ta papia cu doño, ta bishita diferente cas den vecindario y soluciona e problema, mira unda e ta y duna
instruccion na doñonan di cas, kico nan tin cu haci, unda tin cu pone extra atencion y sigui aplica e
recomendacionnan cu GKMB ta duna. Pa awor aki 2017 a habri pa controla e casnan cu tin regenbak
registra. Ta bon pa pueblo sa cu si tin un regenbak na cas y ta nobo of tin un sistema di colecta awa den
cantidadnan hopi grandi, ta bon pa tuma contacto cu GKMB pa pasa wak esaki mira si e ta
hermeticamente cera y di e manera aki preveni cu tin sangura of molester di cantidadnan hopi grandi di
sangura. Si por imagina un regenbak ta un criadero gigantesco. Door cu tabata tin un 2015 hopi seco,
hopi di e regenbaknan aki a keda descuida, sea cu nan no tabata bon tapa of bon cera y awor cu a cera
2016 y habri 2017 cu hopi awa, sigur a trece un molester y ta hayando regenbaknan cu ta causando hopi
molester den cantidadnan grandi den comunidad.
Atrobe GKMB ta atendiendo casonan di yamada. E populacion di sangura di Aedis Aegypti ta basta halto
den comunidad y por a nota esaki fin di aña. E cantidadnan grandi di sangura, sigur e sangura Coolex,
esta sangura di polis, ta un molester cu ta atende cun'e constantemente. Tin hopi sangura riba Aruba.
Pero a cera un 2016 cu igual por bisa cu poco cantidad di casonan confirma di Dengue, Chikugunya of
Zika. Un 79 caso ta di Dengue, 28 di Zika y tambe 8 di Chikungunya, compara cu region y tambe e aña
anterior. Esaki ta un record abao. E participacion comunitario ta importante. Esaki ta un di e trabaonan
cu GKMB ta sigui lobby pe. Ta bisa cu e contacto cu pueblo pa cana den e barionan, papia cu doñonan di
cas, duna nan instruccion y informacion cu comunidad ta desea, con pa preveni of baha molester di
sangura, pa GKMB duna esaki. Den e mesun manera ta wak e cooperacion aki. E cooperacion por bisa
durante e temporadanan di yobida ta esencial, den e sentido cu e cantidad di mankracht cu tin y material
cu tin pa traha cun'e semper a duna e calidad di servicio optimal cu por duna y por bisa tambe cu tin e
calidad den cs. Tin hendenan cu ta trahando den e control di vectoren pa hopi tempo. Sigur den
posicionnan den supervisor y groepleider, ta hombernan cu tin hopi experiencia den e trabao aki y esaki
ta hopi di aprecia, sigur si mira paisnan den cercania cu no tin esaki. Nan ta sinti golpi desde
introduccion di Zika y Chikungunya sigur, pero na GKMB tin experiencia den cas y ta spera cu
instruccionnan valioso cu ta wordo duna diariamente pa e diferente instructornan di GKMB ta wordo
aplica debidamente.