Page 24 - DESPA

Plasnan cu ta keda para tambe ta causa un problema serio pa
criadero di sangura cu ta bira molester

Monday, 16 January 2017 21:38
Comparti

Clayton Croes cu ta hefe di GKMB, durante entrevista a splica cu durante di e yobidanan aki tin un gran
cantidad di plas cu ta bisa cu ta keda para.

Esaki ta bira un molester. Hopi biaha e tip di sangura cu ta nace den e plasnan aki, sea cu ta sangura
sorofora, cu ta wordo haya mas cu no ta cerca di nos costanan, ora cu tin un cantidad halto di salo den e
plasnan aki, pero sigur den regionnan manera Bakval of Zeekwijk, Pos Chikito, Savaneta, cu ta hopi cerca
di awa di lama. Ta haya e sangura Aedis Tenerifus, igual cu Sorofora cu ta wordo haya riba e isla y tambe
Aedis Tenerifus no ta pasa malesa, pero ta causa un cantidad di molester. Ta e sangura conoci como e
sangura preto of di mangrove cu ta lantando cabes den hopi di e regionnan aki unda cu tin e mescla di
awa dushi y awa salo y ta percura cu ta forma e clima ideal pa e sangura aki, cu ta causa hopi molester,
manera e habitantenan di Pos Chikito, Savaneta y Yaraweg ta custuma cun'e.

E cantidad di sangura ta hopi. E aporte cu comunidad mester duna GKMB ta esencial y di e mesun
manera ta spera cu tur e trabaonan cu ta wordo haci, e atencion cu ta wordo duna den media ta wordo
aplica. A cera 2016 cu casonan abao confirma. Hopi caso sospechoso, pero atrobe e confirmacionnan ta
abao y ta spera cu e por sigui e trendnan atrobe, aunke ta conoci cu na comienso di aña e casonan ta
jump.
Sigur GKMB ta cla pa handle esaki, Croes a splica.