Page 20 - MIN VOS

Fun Walk Barracudas riba un
Bon Vibe
Wednesday, 30 November 2016 11:01
Comparti

Diasabra ultimo Barracudas tabata tin su Fundraising caminata. A pesar cu awa y tempo tabata menasa,
toch a e Fun Walk a bay door cu un tempo fresco na unda tabata tin tremendo ambiente y “bon vibe”.

A cuminsa for di 4’or di atardi registra e participantenan y pa cuarto pa cinco sra. Candy Peña de Sanchez
a duna un Zumba warm up. Pa 5’or exacto e caminata a cuminsa. Despues di e caminata sra. Candy aki
pone tur hende cool down y despues a sigui cu doorprizes. E meta di caminata aki tabata pa logra recauda
fondo pa trece un coach Spaño ganado di medaya di plata den Weganan Olimpico 2012 y cu awo ta yuda
coach na Lindenwood University USA, pa bin yuda coachan di Barracudas. Barracuda’s kier a gradici tur
hende cu a contribui cu e caminata, tur atleta y mayornan. Tambe gradici tur hende cu a yuda prome y
durante caminata.

Un palabra di gradicimento special tambe pa sr. Eric Gomez pa su yudansa, Fofoti Tours y Tri-Bike cu a
yuda cu "door prizes" y na Fruteria Virgilio, Fruteria La Gran Parada, Fruteria Santo Domingo y Fruteria
Frangie cu a yuda cu fruta pa tur participante! Coach Irene Montrucchio lo yega den aproximadamente 2
siman y aki e lo yuda muchanan di Barracudas den un Routine Training Camp pa asina atletanan ta bon
prepara pa solo’s, duet’s y team pa competencia nan Nacional y Internacional den 2017. Barracudas Aruba
kier recorda tur hende specialmente amante nan di e deporte di Synchro cu pa sigui nos riba nos pagina di
Facebook pa asina keda na altura di tur evenemento of actividad.