Page 5 - KPA 23 MARCH, 2017
P. 5
Afpakteam Aruba a confisca
suma grandi di dollar dia 16 di
Maart ultimo
23 March, 2017
0
Afpakteam di Aruba, cu a cuminza traha riba prome di maart ultimo, a tuma un
suma grandi na dollars den beslag riba diahuebs 16 di Maart ultimo.
Tur cos a sucede ora cu Kustwacht a controla un barkito for di Colombia. E
capitan a resulta di tabatin un suma grandi na dollars riba dje. Bao guia di
Ministerio Publico y den cooperacion estrecho cu KPA y Aduana, e capitan a
wordo deteni riba sospecho di labamento di placa. E dollars a wordo tuma den
beslag. E investigacion ta continua.
E afpakteam ta un cooperacion entre Ministerio Publico, Cuerpo Policial di
Aruba, Aduana di Aruba, Fiot (Team Fiscal di Investigacion y Persecucion) di
Departamento di Impuesto, FIOD (Departamento Fiscal di Investigacion y
Persecucion), Marechaussee (KMAR), Kustwacht Aruba, MOT y RST. Meta ta
combati criminalidad financiero-economico.
