Page 33 - AWEMAINTA
P. 33
AWEMainta Diabierna, 17 Maart 2017 33
Dilon Brown, Diziarra Ponson,
Nathan Fradl y Hakeem Lowe di
Brazil Taekwondo a
sali Best Fighter den
campeonato nacional
di Himno y Bandera
BRAZIL Taekwondo Stichting ta contento di por a participa
den campeonato nacional di Himno y Bandera organisa pa Aruba
Taekwondo Bond “ARTBO”. 6 Scol di Taekwondo a participa y a
lucha pa best team y best fighter.
E refereenan cu a guia e campeonato ta uni cu otro y ta scoge nan
mihor bringadornan na final di e campeonato.
E bringadornan mester duna tur di nan banda y bringa bon pa
yama atencion di e refereenan.
E atletanan di Brazil Taekwondo Stichting a sa di demostra nan
abilidad den e categoria di infantil, cadet y junior. Un cos asina
grandi no sa sosode tur dia na unda cu a logra bay cu 4 premio y
e Train Hard Fight Smart ta na su lugar e biaha aki.
Brazil Taekwondo ta felicita tur e atletanan cu a saca cara di Brazil
Taekwondo Stichting y e refereenan cu a scoge nan como nan mihor
bringadornan di e campeonato di Himno y Bandera.
