Page 44 - AWEMAINTA

44 AWEMainta Diabierna, 17 Maart 2017

E weekend aki Cosecha tambe ta di fiesta

AWE diabierna 17 y diasabra 18 di maart Cosecha tambe ta den
pleno celebracion. Dia 17 di maart ta bay tin e inauguracion di
Plaza Padu unda Cosecha Oranjestad ta situa y especialmente p’e
celebracion aki ta bay tin hopi artesano presente cu nan productonan
traha na Aruba desde 6 pm te cu 10 pm.

Dia 18 di maart Cosecha Oranjestad y Cosecha San Nicolas ta bay
ta habri di 12pm te cu 4pm. Asina tambe por duna oportunidad na
nos localnan pa bishita e tiendanan aki cu ta sostene nos artesano/
artistanan local.
Productonan cu por encontra e dia aki ta p.e. cuadra, productonan
traha di glas, koper, klei y mucho mas. Asina aki por reconoce e
productonan traha local y por distingui e productonan aki di e pro-
ducto nan importa.

Ademas cu Cosecha ta habri ta bay tin un “live demonstration” na
San Nicolas cu Jenny Kock. Jenny Kock ta pinta temanan di Aruba
cu krijt y ta haci’e cu hopi amor. Esaki ta bay ta despues di hopi
aña cu Jenny ta pinta bek dilanti publico y Cosecha San Nicolas t’e
lugar perfecto pa esaki paso nan tin un workshop area espacioso.

Na Oranjestad ta bay tin e famoso Hendrik Schouten kende tambe
ta pintando “live”.
Hendrik ta conoci pa su pinturanan di Aruba manera e mata di fo-
foti, pero tambe e ta traha hopi cu koper, amonia platina, enamel
y silver. Bishita e Facebook page di Cosecha: www.facebook.com/
Aruba-Cosecha of pasa sercanan dia 17 of 18 di maart, e emplead-
onan ta cla pa yudabo y conta bo un tiki mas di cada producto.