Page 15 - MIN SOC

6 AWEMainta Diamars, 27 December 2016

Gobernador a constatá:

Habitantenan di Corsou ta perdiendo fe den democracia!

WILLEMSTAD - Un calificaccion tin p’e discurso di Gobernador di Corsou
sra. Lucille George-Wout, esta cu el a cuminsa masha optimista pa termina
pesimista.
Corsou ta serando aña cu un crisis constitucional di tamaño monumental cu
un Gobierno cu ta ilegal pa torpesa di politiconan di coalicion.

Gobernador a observá cu: “Nos ta preparando pa drenta 2017, un aña cu nos
ta bay topa cu masha hopi bon intencion, speransa y confiansa.

NO TIN CONFIANSA
Confiansa den futuro y confiansa di nos un, den otro, ta sumamente impor-
tante, pasobra confiansa ta loke ta tene nos comunidad hunto, confiansa t’e
salbabida riba cua nos sociedad ta drief.

Sin confiansa ta imposibel pa un sociedad funcioná, pa no papia mes di su
posibilidad di por sigui desaroyá mas aleu.
Confiansa t’e fundeshi di tur comunidad, ke men di esun di nos tambe. Ca-
minda tin falta di confiansa, desconfiansa ta lanta cabes, ta mustra e banda
robes di e mesun medaya.

Lamentablemente, mescos cu na otro partinan di mundo, falta di confiansa
serca nos ciudadanonan tambe y na medida creciente, ta claramente visibel.
Investigacion cu nos Oficina Central di Censo a haci recientemente, ta mustra
cu ciudadanonan di Còrsou mas y mas ta pèrdiendo fe den nos democracia.
T’asina cu un di entre 4 persona so ta indicá cu nan ta interesá den política.
Cu esey nos ta nota cu e abismo proverbial entre ciudadano y política, lam-
entablemente ta mas grandi cu nunca.

GOBERNADOR A RASPA TUR SECTOR
Segun Gobernador Lucille George-Wout, e málcontento cu tin na Corsou no
ta conta pa política so.
Nos confiansa den otro institucionnan manera Gobièrno, prensa, sindicato y
hasta den nos sistema hudicial tambe ta abou.
Preocupante ta ademas, cu e confiansa entre ciudadanonan un cu otro tambe
a mengua.
Cifranan ta mustra cu ta un di entre tres hende ta considerá cu mayoria di
hende ta di confia.

Caminda ántes bo por a sali bay haci respondi sin problema, sin nodi di sera
bo port’i cas, realidad awendia ta otro. Cu e desaroyonan akí, Còrsou ta sigui
un curso cu na mas lugar na mundo hende ta mira.
E razonnan pakico e confiansa ta bayendo atras, no ta fácil pa definí.

Sumamente cla ta sí, cu hopi di boso ta haña cu por mihór y cu mihor mester
por.