Page 13 - AWEMAINTA

Dialuna, 7 october 2019 AWEMainta 13

Trip a caba na nada Dama deteni pa maneha bou influencia

DIASABRA marduga polis a nota un auto coriendo malo poco pabou
di rotonde di Piedra Plat.

Tawata mas o menos 2:30 a.m cu polis a tuma nota di un auto coriendo
basta malo, y mesora a dune un stopteken.
Na stuur tawata un dama, cu di biaha por a mira cu ela bebe y bastante.
Polis a sigui e proceduranan y a lage supla pa asina por midi e alcohol
den su curpa. Despues cu e dama chauffeur a purba supla varios biaha

y no a logra a bay over na detene y hibe warda. Na warda lo uza un
otro aparato pa sigui cu e test.

DIABIERNA algo pasa di 11’or di anochi polis a
haya informacion di un accidente ariba e caminda di
Bloemond pa Tamarijn.
Informacion cu a sigui tawata indica cu un di e
vehiculonan a bay cay den un rooi eybanda.
Na yegada di polis a constata cu no tin hende herida,
loke ta algo hopi bon.
E autonan envolvi ta un Suzuki Jimny color blanco y
un Nissan Tiida color scur.
Na e sitio nos a compronde cu e Suzuki cu tawata
bayendo direccion Bloemond a haci un maniobra
straño. Esaki a causa cu tanto e Suzuki mes y e Nissan
a perde control.
Den e impacto e Suzuki contra un cura di Transhi pa
despues sigui y bay termina den un rooi na banda di e
caminda. E Nissan Tiida a spin door di e impacto y por
a nota basta daño material na su banda robes.