Page 15 - AWEMAINTA
P. 15
Dialuna, 7 october 2019 AWEMainta 15
Asistencia pa problema di gang
DIASABRA anochi autoridad a wordo informa cu lo tin prob-
lema entre dos gang, y cu un miembro di un di nan lo tin un
machete.
Tawata mas o menos 11’or di anochi cu varios unidad policial a
bay Palm Beach Plaza, na unda dos grupo di hoben lo kier en-
frenta otro. Loke a pone polisnan yega na e sitio mesora y den
cantidad grandi ta e hecho cu lo tin machete envolvi.
A busca den area y na altura di Texas de Brazil a topa cu algun
hoben, cu lo ta pertenece na un di e gangnan.
Eynan agentenan a papia serio cu nan, pero no a haya ningun
machete den nan poder.
A bisa nan tambe pa move di eybanda y busca caminda di cas,
evitando cualkier problema serio pa nan mes.
No ta prome biaha cu tipo di problema manera esaki ta surgi
na e Mall ey y/of den e area aki.
Nos ta den temporada di Herfst Vakantie, pues e fluho di ho-
bennan ta mas halto cu normal eybanda.
Y manera semper, ta “nan” so sa kico ta e problema cu otro.
Homber deteni den Barberia
DIASABRA mainta patruya di Playa a yega cu Transportwagen
na un Barbershop, ariba skina di Hendrikstraat cu Elleboogstraat.
Esta un poco mas pariba di Ex Hotel Central.
Den e luga di corta cabey tawata tin un persona cu ta ser busca
pa Husticia. Agentenan a baha cu papel di detencion y a mustre
su derechonan. Ariba e ordo di parti Husticia ta mustra e cargo-
nan pa su detencion. E no a wordo a poni den boei.
Ta mustra cu el a comprende y a cana subi e Transportwagen,
unda elo mester bay warda y wordo encarcela pendiente mas
investigacion. No ta mucho cla kico elo a comete, pero si cu nan
tawata tin bista ariba dje y unda pa por a localis’e.
