Page 75 - MIN SJA

Mientrastanto, Serlimar su operacion ta paralisa
completamente.

E ACCION

Trahadonan di e compania Serlimar Sui Generis a drenta den

accion dialuna mainta na pia di trabou. Motibo ta e inseguridad
crea pa gobierno cu e anuncio recien di prome minister Mike
Eman e.o. cu lo cera Dump na januari y cu Serlimar lo cuminsa

suministra e sushi colecta pa e compania priva EcoGas. E
accion a inicia for di 5'or di mainta y ta dura te ora cu gobierno

duna e trahadonan claridad riba nan futuro, segun vice
presidente di sindicato SEPPA Edmundo Marlin a bisa
NoticiaCla.com awe mainta. E accion a inicia na pia di trabou,

pero despues a mobilisa dilanti di Bestuurskantoor unda cu e
trahadonan tur a acumula.

E PROBLEMA

Segun Marlin, ta mas cu un aña caba cu ta tratando e asunto

aki di hiba sushi residencial pa EcoGas. Pero e tempo ey
partidonan no por a haya otro y e cos a pega. Pero for di siman
pasa ora cu a tuma nota den prensa (entre otro NoticiaCla.com)

cu prome minister Eman a anuncia e desicion, e trahadonan di
Serlimar a bira precupa. Primordialmente e trahadonan na

dump mirando cu a anuncia cu ta bay cera esaki. "E
trahadonan tin miedo di perde nan pan" Marlin a sigui bisa e
portal aki. Nan kier sa si ta bay paga Serlimar pa e sushi bay. Y

si no ta haci esaki, e lo bira un problema grandi. E problema ta
cu si no paga Serlimar, e ta perde e entrada cu ta cubri henter e

operacion y cu esey poco poco e compania aki lo 'bloed dood'
segun e lider sindical a sigui bisa.

E ACCION