Page 36 - MIN VOS

Komienso di kampaña pa

salú seksual

Published on November 28, 2016 in Boneiro
KRALENDIJK, Bonaire

E siman aki e kampaña pa salú seksual ta kuminsá na Boneiru. E departamentu di Salubridat
Públiko di Entidat Públiko Boneiru a skohe spesialmente e siman aki pa motibu di e Dia
Internashonal di Aids dia 1 di desèmber.

Den e siman aki e dòkternan di kas di Boneiru a bini huntu ku e trahadónan di Fundashon
Mariadal ku ta eksperto riba e tereno aki i trahadónan di e departamentu di Salubridat Públiko
den e tayer ‘Hiv and Testing’. E tayer aki tabatin komo tema ‘tèstmentu pro aktivo’.
Konhuntamente nan a papia tokante e posibilidatnan pa hasi hopi mas tantu tèst di Hiv i
malesanan ku por keda transmití seksualmente (soa). Esaki pasobra si un persona sa ku e tin un
infekshon, pa medio di un bon tratamentu e por protehá su mes i esunnan rondó di dje.

Desde awe por mira i skucha e materialnan di e kampaña den e diferente medionan di
komunikashon: póster, jingle, anunsio i entrevista. Den kuminsamentu di otro aña kada kas na
Boneiru ta risibí un foyeto tokante salú seksual.

E altual kampaña pa públiko ta dirigí su mes riba henter e poblashon. E énfasis ta riba redukshon
di e plamamentu di malesanan ku por keda transmití seksualmente i Hiv i redukshon di embaraso
no-deseá, manera embaraso hubenil i embaraso ku ta keda finalisá pa medio di aborto. Hasi sèks
na un manera seif i uso responsabel di kondon ta e mensahe prinsipal durante e kampaña aki.
Despues ku tabatin kontakto seksual no-protehá (sin kondon) ku un hende ku no ta e partner
regular, i despues di kontakto seksual ku diferente partner ta rekomendabel pa hasi tèst di soa i
Hiv. Tur hende por akudí pa esei serka nan dòkter di kas.