Page 37 - MIN VOS
P. 37
Den kuminsamentu di otro aña i durante henter aña 2017 lo ampliá e kampaña aki ku material di
informashon spesial pa hóbennan. Banda di esei den futuro serkano lo tin mas atenshon pa abuso
seksual i diskriminashon riba tereno di orientashon seksual.
E diputado di salubridat públiko, señora Nina den Heyer ta kontentu ku e oumentu di interes
serka públiko i e sektor médiko pa e problema di salú seksual. Dos enkuentro di estudio tokante
soa/hiv den un aña i e komienso di un kampaña di informashon pa públiko ta señalnan positivo.
Di e manera aki Entidat Públiko ta kontribuí en grande ku promoshon di salú seksual di
suidadanonan Boneriano.
Prevení infekshon’ ta e mihó manera pa para plamamentu di Soa/Hiv. Komportashon seksual seif
ta algu ku bo tin den bo mes man. P’esei bo mester sòru pa drenta relashonnan seksual na un
manera seif, usa kondon i ser konsiente di e riesgonan di hasi sèks insegur. Bo a kore riesgo tòg?
Bai hasi tèst! Entidat Públiko Boneiru ta para pa promoshon di un komunidat salú. E komunidat
salú ei ta un tarea di nos tur
