Page 22 - AWEM6DEC2016

22 AWEMainta Diamars, 6 December 2016

Premier Eman y Santa Rosa evaluando pa habri

tienda di producto local den Caya Grandi

DIASABRA ultimo Prome Minister Mike Eman a bishita Mer-
cado Popular di Santa Rosa den Caya Grandi. Mirando e entusi-
asmo di e participantenan, como tambe e reaccion di e publico,
e mandatario ta convenci cu mester sigui sondea e posibilidad di
habri un tienda di Santa Rosa den centro di ciudad.
Esaki ta un idea cu ya caba Premier Eman a papia di dje hunto cu
Directora di Departamento di Agricultura, Cria y Pesca, Natalie
Maduro.

E posibilidad tey pa habri un espacio na final di Caya Grandi,
specificamente den skina di edificio di Nikki Habibe.
Aki lo ofrece na tur agricultor, criado di bestia y productor local,
e oportunidad pa pone nan productonan na benta p’e publico
en general, riba un base constante y cu aceso na consumidornan
local y na turista.
Prome Minister Eman a wak pa su mes, pero tambe purba y
cumpra for di e variacion grandi di cuminda, mata, productonan
di cuido personal traha na Aruba.

“Pa nos ta importante cu nos ta duna nos productornan local un
oportunidad pa bin den centro di ciudad y bende nan produc-
tonan, creando na mesun momento un bunita ambiente,” asina
Minister President Eman a expresa.
Pa loke ta trata e Mercado Popular di Santa Rosa mes, e intencion
ta p’esaki sigui wordo organisa por lo menos un bes pa luna den
Caya Grandi.