Page 15 - MIN VOS

http://www.24ora.com/index.php?option=com_content&view=article&id=122455:inspeccion-di-salud-aruba-iva-
a-concluinsu-prome-rapport-siguridad-di-remedi-ta-un-prioridad-pa-e-pashent&catid=1:local&Itemid=5

Aruba Table Tennis a tene nan torneo di ranking luna di mei

Thursday, 01 June 2017 09:39
Comparti

E federacion di tenis di mesa a tene un otro torneo di ranking pa e temporada 2017. E hungadornan den
tur categoria a enfrenta otro pa asina defini nan posicion fiho riba e ranking di Aruba Table Tennis
Association. Mester bisa cu tur fin di luna e dicho federacion ta tene nan torneo di ranking.

Pa loke ta e resultadonan mester bisa cu den e categoria U10 nos a haya na prome lugar e hoben Marc
Rasmijn mientras na di dos lugar a keda Nathan Lobo y di tres lugar Dwayne Koolman. Den e categoria
U13 nos tin na prome lugar e hoben Bob Chung mienteas na di dos lugar nos tin Robert Dirksen y na di
tres lugar Mikayla Mathilda. Den e categoria U18 e prome lugar a bay pa Jeadry Mathilda mietras na di
dos lugar a keda Ching Ho Chung y na di tres lugar Donald Yarzagaray. Despues di esnan infantil y
hubenil a sigui cune categorianan di B y A klas. Den e categoria di B klas na prome lugar a keda James
Letren na di dos lugar nos tin Alfred Leong y na di tres lugar a keda Zhao Xie.

Por ultimo den A Klas e bataya tabata fuerte unda Mario Lobo a termina na di prome lugar sigui pa Andy
Gomes cu a keda na di dos lugar y Jeandry Mathilda cu a keda na di tres lugar. Un danki sigur na Lotto, e
Loteria di Aruba pa medio di Comision di Subsidio cu a subsidia e torneo ranking di Aruba Table Tennis
Association. Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes momento inverti den
deporte local pa medio di donacionnan na e Comision di Subsidio.