Page 24 - BNDIA ARUBA

a24 bista politico
Dialuna 8 Mei 2017
Diasabra AVP a demostra cu San Nicolas ta ‘Berde e ta’

ORANJESTAD – Un energia enorme ta loke a biba
diasabra den dia na San Nicolas mientras cu candida-
tonan di Partido di Pueblo Arubano AVP tabata recore
su cayanan. Lider di partido Mike Eman a lidera e
grupo consistiendo di candidatonan di pariba di brug
manera Mike de Meza, Alex Schwengle, Mervin Wyatt
Ras, Desiree de Sousa Croes y Clarisca Velasquez sin
laga afo Lorna Varlack y Donny Rasmijn.

E mashin berde a pasa den Lagoweg, Bernhardstraat y Pastoor
Hendrikstraat caminda nan a haya bon bini cu brasa habri y
comentarionan di ‘Nos ta cu bo Mike’ ripitiendo den cada
hogar. Mientras cu banderanan tabata bay halto, autonan
tabata para pa haya nan sticker y demostrando asina cu San
Nicolas ta ‘berde e ta’.
Tambe presente den e accion cu a cuminsa mainta y a trans-
curi durante henter dia, tabata Arthur Dowers, Benny Sev-
inger, Jeffrey Kelly y Norman Roos den un front uni caminda
AVP a sa di demostra di ta mantene su contacto estrecho cu
e pueblo di San Nicolas, mescos cu a haci siman pasa na Pos
Chikito y Savaneta; y mescos a bin ta haci cu henter e isla
durante ultimo 8 aña.
Un dia grandi pa e partido berde y un fin di siman grandi
tambe ya cu, mientras ta estableciendo su presencia y faborit-
ismo tur rond di Aruba, tambe ta preparando pa e gran evento
di 1000voz cu ta tuma luga mañan den ballroom di Hilton
Hotel. Aki ta bay scucha y documenta e deseo y vision cu
pueblo tin pa Aruba pa e añanan nos dilanti pa asina prepara
un Plan di Gobernacion cu ta den su esencia di pueblo y pa
pueblo.